Upamikkan pattaathoralbuthame
നവംബർ 10, 2022
ഉപമിക്കാൻ പറ്റാത്തൊരത്ഭുതമേ
ഉപകാരമായി മാത്രം വന്ന മീമേ
ഉപദേശമോ സലാമിൻ കലാമേ
ഉപലോകവും വാഴ്ത്തും നബി കരീമേ..
(صلى الله صلى الله على سيدنا و صاحب المدينة
അങ്ങയെ എങ്ങിനെ ചന്ദ്രനോടുപമിക്കും?
തിങ്കളിൻ ചന്തവും തങ്ങളല്ലെ !
അങ്ങകലേ കത്തി നിൽക്കുന്ന സൂര്യനും
അവിടുത്തെ നൂറിനൊരല്പമല്ലെ
സ്വർഗ്ഗത്തിൻ സൗന്ദര്യം പോലും റസൂലിന്റെ
പരിശുദ്ധിയിൽ നിന്നൊരംശമല്ലെ
പ്രപഞ്ചത്തിൻ പ്രഭയാകെ കടമെടുത്തല്ലൊ
ഹബീബേ... അങ്ങയിൽ നിന്നും..
(صلى الله صلى الله على سيدنا و صاحب المدينة)
അമൂല്യമാം മാണിക്യം മരതക രത്നങ്ങൾ
അവിടുത്തെ ശോഭയിൽ ജ്വലിച്ചതല്ലെ..!
അനേകമാം അർവ്വാഹും അംലാക്കും ജിന്നിൻസും
അവിടുത്തെ മുഹബത്തിൽ ലയിച്ചതല്ലെ..!
ഖൽബിലും ലിസാനിലും ഐനിലും ഫിക്റിലും
ഖാത്തിം റസൂലിന്റെ സമരണയല്ലെ..
പ്രപഞ്ചത്തിൻ പ്രഭയാകെ കടമെടുത്തല്ലൊ
ഹബീബേ... അങ്ങയിൽ നിന്നും..
(صلى الله صلى الله على سيدنا و صاحب المدينا)
